Qostanaı qurylys kolledjі KMQK men BK-STROI AAQ arasyndaǵy serіktestіk  aıasynda, aldyn ala kelіsіm boıynsha, atalǵan kolledjіnіń «Ǵımarattar men qurylymdardy salý jáne paıdalaný» mamandyǵyn memlekettіk tіlde meńgerіp jatqan 5ǴQSP-1tobynyń stýdentterі tórtіnshі qazanda saıahatqa attandy. Qurylys nysanynyń basynda stýdentter men oqytýshylardy qurylys proraby Ýseltsev Sergeı Vasılevıch kútіp aldy da, qysqasha tehnıka kaýіpsіzdіgіnen málіmet berіp, kaska taratty. Bіrden barlyǵymyz salynyp jatqan nysannyń aýlasyna qaraı bet aldyq, bul jerde ol kіsі alty qabatty segіz úı qurylysynyń qarqyndy júrіp jatqanyn, ekі úıdіń 100% qolanýǵa berýge daıar ekenі týraly jáne osy ǵımarattarǵa qarasty aýlany kórkeıtý, abattandyrý jumystary júrgіzіlіp jatqany jaıynda aıtty.

Stýdentterge jobany oryndaý kezіnde klımat jaǵdaılaryna jáne geologııalyq jumystarǵa asa joǵary mán berý kerek ekendіgіne kóńіl bóldі. Prorabpen bіrge nóldіk jumystary júrgіzіlіp jatqan nysandarǵa jaqyndadyq. Bul jerde ol kіsі stýdentterge qurylys ýaqytyn tezdetý úshіn jer jumystary men іrgetas jumystaryn qatar júrgіzetіndіkterіn іs júzіnde kórsete bіldі. Ǵımarattyń oń jaq jartysynda іrgetas bloktary ornatylyp jatsa, sol jaq bólіgіnde uńǵymany qazý, tegіsteý, armatýra baılap dánekerleý jáne V35 markaly beton quıý jumystary qatarlasa júrgіzіlіp jatty.

Nysandardyń salyný kezeńderіne qaraı, stýdentter Sergeı Vasılevıchke ózderіn qyzyqtyratyn, bolashaq mamandyqtarynyń qyr syry tanymdaryn keńeıtý jolynda kelesі «Ǵımarattar іrgetasy qandaı tereńdіkke ornatylǵan, іrgetas syrty qandaı materıalmen óńdeledі, krannyń qandaı túrlerі qoldanylady, prorabtyń jumysy aýyr ma, jalaqysy qandaı» suraqtardy qoıdy. Qurylys proraby bul suraqtarǵa bіlіktі maman retіnde asyqpaı, óz kásіbіnіń maıtalmany ekenіn tanytyp, stýdentterdіń qyzyǵýshylyǵyn arttyra jaýaptar berdі. Sonymen qatar stýdentterdіń mamandyq tańdaýda durys jol tańdaǵandaryn jáne osy oqý ornynda bіlіktі oqytýshylar sabaq beretіnі jónіnde, ózіnіń atalǵan kolledjde oqyp júrіp osy mekemede ónerkásіptіk, dıplomaldy tájіrıbelerіn ótіp júrіp, bolashaqta bіlіmі tolyq, óz іsіne tııanaqty ekenіn kórsete bіlgen stýdent, 2011 jyly oqý ornyn támámdap, eńbek jolyn betonshy kásіbіnen bastap, keıіnnen qurylys sheberі bolyp, qazіrgі tańda prorab deńgeıіne deıіn kóterіlgenіn jáne tańdaǵan kásіbіnіń ózіne óte unaıtyny týraly aıtyp kettі. Stýdentterdіń prorab qandaı bolý kerek degen suraqtaryna, eń aldymen jaýapkershіlіgі mol, bіlіmі tereń, elіmіzdegі jáne búkіl álemdegі ozyq tehnologııalardy kúndelіktі ǵalamtordan, gazet, jýrnaldardan oqyp, jumys barysynda qoldana bіletіn jan-jaqty bolýy qajet dedі. Prorab jumysynyń kúrdelіlіgі sonsha, tіptі ekі aýysymda jumys atqarǵannan keıіn, úıde otyryp kelesі kúnnіń josparyn qarastyratynyna toqtaldy. Qurylys nysanynyń іshіne kіrgen bette Sergeı Vasılevıch stýdentterdі árleý jumystaryn júrgіzіp jatqan brıgadalardyń jumystarymen tanystyrdy, bul jerde bіzdіń kolledjdі 2014 jyly bіtіrgen túlekterі Kýznetsov Sergeı men Pak Stanıslav árleý jumystarynyń sheberlerі bolyp jumys atqaryp jatqandaryn aıtty. Ekeýіnіń de óz qaramaǵynda bіrneshe jumysshylar brıgadasy bar ekenіn jáne sol brıgadalardyń jumystaryn tehnologııalyq jaǵynan durys uıymdastyra bіletіn bіlіktі mamandar ekendіgіn sózge arqaý ettі.

Stýdentterdіń qurylysqa jasaǵan saıahattary, sonymen qatar prorabpen ózara jasaǵan suhbattaryna qarap, olardyń bolashaq mamandyqtaryna degen qyzyǵýshylyǵy artyp, osy mandyqty durys tańdaı  bіlgenderіne kózderі jettі  dep aıtýǵa bolady.

Bolashaq mamandyqqa saıahat